Brexit, dorëhiqet edhe Dominic Raab - Bota Sot
Brexit, dorëhiqet edhe Dominic Raab

Evropë

Brexit, dorëhiqet edhe Dominic Raab

Më: 15 nëntor 2018 Në ora: 12:36
Sekretari britanik për Brexit-in, Dominic Raab

Sekretari britanik për Brexit-in, Dominic Raab ka dhënë dorëheqjen me pretendimin se nuk e mbështet dot me vetëdije të plote draftin e marrëveshjes me Bashkimin Europian.

Kryeministrja Theresa May njoftoi një ditë më parë se kishte siguruar mbështetjen e kabinetit të saj për paktin pas një takimi që zgjati 5 orë. Por disa ministra kane folur hapur kundër tij e ka të dhëna që tregojnë se pakënaqësia mes konservatoreve është e madhe, duke shkuar deri aty sa të diskutohet një mocion mosbesimi ndaj saj

Raab, mbështetës i fushatës për largim, zëvendësoi në këtë pozicionin ish-sekretarin David Davis, edhe ai i dorëhequr në shenjë proteste ndaj planeve të May-t për Brexitin.

Problemin kryesor, Raab e sheh tek regjimi rregullator i propozuar për Irlandën e Veriut, që përbën sipas tij një kërcënim shumë real ndaj integritetit të Mbretërisë së Bashkuar. Zyrtari argumenton se ujditë e bëra për të ndaluar rikthimin e një kufiri fizik në Irlandë do të rezultonin me BE-në që siguron kështu mundësinë e një vetoje mbi aftësinë e Londrës për shkëputje.

Largimi i Raab mund të shtojë presionin edhe ndaj anëtarëve të tjerë të kabinetit që të dorëhiqen, çka rrit gjasat e një efekti domino, i cili mund të përfundojnë me shpërbërjen e qeverisë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
test