Donis Avdijaj është duke kaluar nëpër një formë shumë të mirë në kampionatin holandez.
Nënshkrimi me skuadrën Willem II duket se i ka bërë mirë reprezentuesit të Kosovës.
Sulmuesi i talentuar nga Kosova ka luajtur 18 ndeshje këtë edicion me fanellën e Willem II, 15 në kampionat dhe tri në Kupën e Holandës.
22-vjeçari ka arritur të shënoj tetë gola në të gjitha garat por duke asistuar edhe në gjashtë të tjerë.
Këto statistika kanë bërë që vlera e tij të dyfishohet në tregun e transferimeve.
Tani Avdijaj sipas ‘transfermarkt.de’, vlerësohet dy milionë euro, një milionë më shumë.
Kujtojmë që istogasi ka treguar formë të mirë edhe me fanellën e Kosovës ku ka shënuar dy gola.
Avdijaj kishte luajtur edhe më parë në Holandë, kur ishte i huazuar tek Roda JC nga Schalke 04.
