Manchester United dhe Tottenham do të përballen këtë xhiro për kryendeshjen e javës në Premierligë.
United po kalon në formë fenomenale nën urdhrat e Ole Gunnar Solskjaer, duke regjistruar të gjitha fitore, por ndeshja kundër Spurs do të jetë shumë e vështirë.
I vetëdijshëm për këtë është edhe vet norvegjezi, i cili edhe ka vlerësuar lart kundërshtarin e tij, Pochettino.
“Ai ka bërë një punë të jashtëzakonshme. Spekulimet (nga Man Utd) janë aty për një arsye” ka thënë Solskjaer.
“Por, nuk është puna ime të vlerësoj trajnerët e tjerë. Fokusi im është tek vetja dhe skuadra ime” ka shtuar norvegjezi.
Manchester United tani janë vetëm tri pikë larg Arsenal por lufta me Tottenham do të jetë e vështirë dhe mund të rritet diferenca.
