Futbollisti shqiptar, Arijan Ademi, i cili është aktualisht kapiten i skuadrës kroate Dinamo nga Zagrebi, mund të transferohet në Romë, bëjnë të ditur mediet sportive italiane.
Lajmi për mundësinë që kapiteni i skuadrës Dinamo, Ademi, të bëhet pjesë e skuadrës italiane Roma është publikuar edhe nga rrjeti social i kreut të Federatës Kroate Davor Shuker.
Sipas tij, bazuar edhe në shkrimet e medieve italiane për Arijan Ademin, trajneri i skuadrës Roma Di Françesko është i gatshëm të paguaj shumën ndërmjet 6- 7 milionë euro.
Ademi, me kalimin eventual në skuadrën e Romës do të zëvendësonte futbollistin 35 vjeçar italian Daniele De Rossi, që është i lënduar dhe ka paralajmëruar tërheqjen nga futbolli.
Sipas Shukerit tashmë skuadra GNK Dinamo, ka nisur bisedimet për kalimin e kapitenit Arijan Ademi në skuadrën e Romës.