Bota e futbollit ende po lutet për një lajm të mirë për fatin e Emiliano Salas.
Sulmuesi argjentinas u zhduk më herët këtë javë, vetëm disa ditë pasi u transferua te Cardiff City për një shumë rekorde.
Sala po udhëtonte nga Franca për në Cardiff, kur aeroplani me të cilin ai po udhëtonte u zhduk diku në një zonë në Angli.
Agjenti i Salas, Willi McKay tani ka konfirmuar se ai kishte aranzhuar fluturimin nga Nantes, por shton se ai nuk pati gisht në përzgjedhjen e aeroplanit apo pilotit.
Mckay gjithashtu ka zbuluar për publikun mesazhet e Salas ku është diskutuar për aranzhimin e fluturimit, dhe transkripti i plotë është publikuar nga “BBC Sport”.
McKay potencon se Cardiffi ishte i njoftuar për aranzhimin e bërë, dhe thotë se dy djemtë e tij patën një bisedë me Sala për vështirësitë e flutirimit.
McKay tha: “Në lidhje me aranzhimin e fluturimit, ne kontaktuan z. David Henderson, i cili ka fluturuar me ne dhe shumë lojtarë të tjerë nëpër tërë Evropën disa herë.
“Nuk ishim të përfshirë në përzgjedhjen e aeroplanit ose pilotit dhe ne gjithashtu dëshirojmë ta qartësojmë përsëri se ne nuk e zotërojmë aeroplanin me të cilin fluturoi Emiliano.
“Ndodhia tragjike na ka shokuar të gjithëve.”