Liverpooli iu është rikthyer fitoreve në Premier League, pas fitores bindëse në shtëpi me Bournemouth, duke fituar me rezultat 3 me 0.
Skuadra e trajnerit gjerman, Jurgen Klopp, në këtë takim nuk ka llogaritur në shërbimet e shqiptarit, Xherdan Shaqiri, i cili nuk ishte në listën e futbollistëve të gatshëm për këtë sfidë.
Mësohet se Shaqiri mungoi në këtë takim si pasojë e një tendosje të lehtë abdominale.
Ish anëtari i Bayern Munich dhe Interit, në këtë sezon për ‘The Reds’ ka shënuar gjashtë gola dhe dy asistime.
