Mauro Icardi po kalon periudhën më të vështirë te Interi. Drejtuesit i kanë hequr shiritin e kapitenit ndërsa sot sulmuesi nuk do të jetë i gatshëm për ndeshjen në Europa League. "Icardi ishte i grumbulluar për ndeshjen kundër Rapidit në Europa League, por refuzoi të shkonte në Austri”, tha trajneri Spalleti.
Mesazhi është i qartë: mes palëve dashuria ka mbaruar dhe nëse merkato do të ishte e hapur një largim do të ishte i pashmangshëm. Sot Icardi është paraqitur në qendrën stërvitore në Appiano dhe po kurohet për një dëmtim në kavilje. Do të mungojë edhe të dielën, në ndeshjen kundër Sampdorias. Ky dëmtim vjen si një shpikje e momentit për t'i hedhur ujë zjarrit që është ndezuar në 48 orët e fundit.
Për këtë çështje kaq delikate ka folur edhe ish-presidenti i Interit, Massimo Morattit, i cili i doli në mbrojtje sulmuesit argjentinas: "Nëse më vjen keq për Bergomin dhe Zanetin? Kam gjetur një kapiten të madh edhe Icardi ka luajtur gjithmonë me entuziazëm, seriozitet dhe profesionalizëm. Nuk kam asgjë për të thënë".
Më pas një shigjetë për shoqërinë aktuale: "Është faji im, është faji juaj, është bërë publike. Gjithçka është vënë në rrugë dhe kjo nuk është e bukur. Duket si një gjë e padobishme, gjysma e sezonit, pa mundësinë e shitjes së lojtarit dhe me qëllimet që duhet të arrihen, nuk e di se cfarë avantazhesh mund të sjellin. klubit dhe klubit nga lojtari "
