Nesër do të ndodhë diçka historike në Ligën Premiere - Bota Sot
Nesër do të ndodhë diçka historike në Ligën Premiere

Futboll

Nesër do të ndodhë diçka historike në Ligën Premiere

Më: 22 shkurt 2019 Në ora: 18:56
Foto ilustrim

Liga Premiere vlerësohet si kampionati më i fortë i futbollit në botë, por nuk është e veçantë vetëm për cilësinë e saj.

Anglia ofron plot surpriza në botën e futbollit dhe nesër do të ndodhë një e tillë.

I rikthyer në fushë dy vite më parë si trajner i Crystal Palace, Roy Hodgson do të shkruajë nesër historinë e Premier League. Në moshën 71 vjeç e 198 ditë, ai do të bëhet trajneri më i vjetër në moshë që drejton një skuadër në Premier League.

Rekordi i mëparshëm mbahet nga një tjetër legjendë e futbollit anglez, si Bobby Robson. Ekipi i Crystal Palace, që luan për mbijetesën në Premier, do të udhëtojë në Leicester, aty ku ditën e shtunë (ora 18:30) do të luajë ndeshjen e radhës në kampionat.

Roy Hodgson, që në vitin 2016 ishte shkëputur nga futbolli, pasi u largua nga kombëtarja e “3 Luanëve”, u rikthye në detyrë në vitin 2017, te skuadra e Crystal Palace. Ky është ekipi ku ai hodhi hapat e parë në karrierën e tij si futbollist.

Në konferencën e sotme për shtyp, Hodson tha: “Do të vazhdoj të drejtoj edhe për shumë kohë, pasi nuk më mërzit dhe streson kjo që bëj. Unë nuk mendoj për rekordin e nesërm, por se si të shpëtojmë nga rënia nga kategoria dhe besoj se do t’ia dalim mbanë”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...