Skuadra e Baselit ka barazuar ndaj Luganos me rezultatin 1-1.
Basel mbetet në vendin e dytë në tabelë – pas barazimit me Luganon.
Albian Ajeti shënoi golin e vetëm për Baselin në këtë ballafaqim, kurse Edon Zhegrova u aktivizua për 26 minuta.
Zhegrova është inkuadruar në lojë në minutën e 66’të të sfidës dhe zhvilloi një paraqitje solide.
Ky është një lajm mjaft i mirë për selektorin e Kosovës, Bernard Challandes, pasi Zhegrova ka fituar besimin dhe ka minuta në këmbët e tij tek skuadra e re, gjë që nuk e kishte në Belgjikë tek Genk.
Vlen të theksohet se Kosova do të luajë me 21 dhe 25 mars ndaj Danimarkës, respektivisht Bullgarisë në stadiumin ‘Fadil Vokrri’.