Me het-trikun e mbrëmshëm, Ronaldo e lë shumë prapa Messin - Bota Sot
Me het-trikun e mbrëmshëm, Ronaldo e lë shumë prapa Messin

Futboll

Me het-trikun e mbrëmshëm, Ronaldo e lë shumë prapa Messin

Më: 13 mars 2019 Në ora: 08:13
Cristiano Ronaldo

Super ylli portugez, Cristiano Ronaldo, ia siguroi Juventusit një vend në çerekfinalet e këtij sezoni të Ligës së Kampionëve.

Tri golat e shënuara mbrëmë kundër Atletico Madridit bënë që Cristiano Ronaldo t’i ketë shënuar plot 63 gola në fazën e eliminimit direkt të garës më prestigjioze në Evropë.

Ronaldo e ka këtë rekord shumë më të mirë se Lionel Messi, i cili i ka shënuar 40 gola në këtë fazë të Ligës së Kampionëve. Messi është rivali më i madh i portugezit në këtë betejë, ndërsa pas tyre renditet ish-heroi i Real Madridit, Rauli, me 34 gola.

Ky ishte het-triku i tetë i Ronaldos në Ligën e Kampionëve. Të njëjtin rekord e mban edhe pesë-herë fituesi tjetër i Topit të Artë, Messi.

Paraqitja e mrekullueshme e Ronaldos mbrëmë bëri që Juventusi ta përmbysë rezultatin kundër Atletico Madridit, duke fituar me rezultat 3:0. Ky rezultat i kualifikoi italianët në fazën e çerekfinaleve të Ligës së Kampionëve. /Gazeta Express/

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...