Edhe trajneri i Tottenham Hotspur, Mauricio Pochettino, duket se ka mbetur i mahnitur nga paraqitja e Lionel Messi ndaj Real Betis.
Mbrëmë, në kuadër të La Liga, Barcelona triumfoi me rezultatin 1:4, kundër Betis, në një ndeshje që Messi realizoi het trik.
Kjo gjë nuk mund t’i kishte ikur trajnerit argjentinas të Tottenham Hotspur, i cili tani beson se njeh favoritët e Ligës së Kampionëve.
“Nëse ka një favorit për Ligën e Kampionëve, është Barcelona” ka thënë trajneri i Tottenham.
“Kanë lojtarë të nivelit të lartë, si Lionel Messi, i cili është gjeni dhe më i miri në botë” ka thënë tutje ai.
“Leo bën gjëra që askush nuk i pret, por ajo që më befason është vazhdimësia e tij. Ai e bën këtë rregullisht, çdo tri-katër ditë, në 11 apo 12 vitet e fundit” ka thënë ndër të tjerash Pochettino.
Ndër gjithë lojtarët e shkëlqyer të Barcelonës, Mauricio Pochettino ka tëhnë se është një më i veçantë, më i jashtëzakonshëm, që bën gjëra unike, i cili quhet Lionel Messi.
Mbetet të shihet nëse Messi do të arrijë këtë sezon që të fitoj tripletën e tretë në karrierën e tij.
