Shqipëria rrezikon të dënohet nga UEFA - Bota Sot
Shqipëria rrezikon të dënohet nga UEFA

Futboll

Shqipëria rrezikon të dënohet nga UEFA

Më: 23 mars 2019 Në ora: 09:40
Ilustrim

Shqipëria rrezikon një dënim me para ose dënim të fushës pa spektatorë pas hedhjes së një “lumi” sendesh të forta në fushë në ndeshjen e djeshme.

Ka qenë një episod i shëmtuar në “Loro Boriçi” pas golit të dytë të Turqisë, shënuar nga Hakan Çalhanoglu në minutën e 55-të. Kjo mund të kushtojë shtrenjtë për Federatën Shqiptare të Futbollit sa i përket ndeshjes së radhës që kuqezinjtë do të luajnë në shtëpi për eliminatoret e Europianit 2020.

Delegati i ndeshjes me siguri ka mbajtur shënim gjithçka dje, aq sa edhe njoftimi në stadium pas urdhrit të drejtuesve të FSHF-së nuk mjaftoi në ndërgjegjësimin e tifozërisë.

“Lutemi të mos hidhni sende në fushë, pasi do të penalizohemi”, ishte thirrja nga zyrtarët e stadiumit pas golit të dytë të Turqisë, por nuk u përfill pasi shishe të llojeve të ndryshme pushtuan një pjesë të fushës.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...