Trajneri i Prishtinës, Mirel Josa, ka folur për ndeshjen me Lirinë që skuadra e tij e fitoi 3-0.
Ai ka thënë se skuadra e tij bëri mirë, kur i kërkonte zbrazësitë që Liria i linte prapa.
“Goli i parë na liroi sa i përket veprimeve tona. Mund të them se jam i kënaqur në momente të caktuara të ndeshjes, sidomos atëherë kur kapnim zonat bosh të kundërshtarit me pasimet në thellësi, por nuk jam aspak i kënaqur me pjesën tjetër të lojës”.
“Në 20 minutat e fundit nuk kemi luajtur si kolektiv, por tentuam ti bënim gjërat në mënyrë individuale dhe kjo nuk guxon të ndodh, pasi që kemi një malore për ta bërë dhe kjo malore kërkon disiplinë”, deklaroi Mirel Josa për Super Sport Kosova.
Josa u pyet për mbrojtjen e Lirisë që shpesh ishte pothuajse me të gjithë skuadrën prapa.
“Liria në fakt u mbrojt me nëntë futbollistë dhe portieri dhjetë”.
“Mbyllën mirë zonat dhe ishin repartet e koordinuara, me ç’rast edhe na vështirësuan punën të çanim drejt portës, por e rëndësishme ishte të realizohej goli i parë dhe më pas rrodhën gjërat si rrodhën”, tha në fund Josa.
