Eliminimi i Juventusit nga Liga e Kampionëve, ka zgjidhur njëkohësisht edhe një ngërç të krijuar mes bardhezinjve dhe klubit tjetër të qytetit, Torinos, në lidhje me datën e derbit mes tyre.
Kjo pasi fillimisht ishte vendosur për t’u luajtur më 4 Maj, datë kjo e kontestuar fort nga tifozët dhe klubi “granata”, për shkak së në këtë datë është 70-vjetori i tragjedisë së Superga-s. Megjithatë tashmë Liga italiane e futbollit vendosi përfundimisht që sfida të luhet të premten e 3 majit, një datë që përveç dakordësisë së bardhezinjve, mirëpritet edhe nga klubi i Torinos.
