Reprezentuesi i Kosovës, Milot Rashica, ka reaguar në ‘Twitter’ pas super paraqitjes në ndeshjen e mbrëmshme ndaj Bayern Munihut. Werderi u eliminua në gjysmëfinale të DFB Pokal, por në këtë ndeshje shkëlqeu Milot Rashica.
Ylli i Kosovës asistoi dhe realizoi gol – të dyja këto brenda vetëm dy minutave – për ta barazuar rezultatin në 2:2 nga disavantazhi 0:2, në minutat 74′ e 75′. “Për fatin e keq nuk mjaftoi, por ne do të vazhdojmë së bashku. Përkrahje e jashtëzakonshme nga tifozët tanë”, ka shkruar Rashica.