Tifozët e Gjilanit, “Skifterët”, nuk kanë të ndalur së kërcënuari. Derisa të dielën Gjilani u fundos në renditje – për çka fajësoi gjyqtarët – tifozët e kishin kërcënuar seriozisht Federatën e Futbollit të Kosovës dhe çdo zyrtar të saj.
Kurse, tani ata e kanë bërë edhe një tjetër kërcënim, madje me një foto me thika dhe shufra të hekurit. Këtë e kanë bërë në prag të ndeshjes që Gjilani do ta zhvillojë në fundjavë kundër Ballkanit në Suharekë.
“Të Premten udhëtojmë drejt Suharekës për të qenë afër klubit në takimin e radhës jashtëzakonisht të rëndësishëm, në mbrojtje të dinjitetit ,nderit dhe futbollit, kundër padrejtësive dhe nëpërkëmbjes nga ata për të cilët futbolli vazhdon të mbetet instrument biznesi.Për detajet e udhëtimit do të njoftoheni me kohë.