Real Madrid po bëhet gati për ndryshime të mëdha në verën e vitit 2019.
Për ‘Los Blancos’ sezoni 2018/2019 ka qenë shumë i vështirë, duke humbur herët garën për titull në La Liga, dhe duke u eliminuar nga Ajax nga Liga e Kampionëve.
Sikur të mos mjaftonte kjo, Real Madrid gjatë këtij edicioni ndërroi tre trajnerë, duke e rikthyer në fund Zinedine Zidanen, me të cilin kanë fituar tre trofe të Ligës së Kampionëve.
Rimëkëmbja e skuadrës është synimi kryesor i Florentino Perezit, që synon transferimin e disa lojtarëve.
Eden Hazard do të jetë synimi kryesor i ‘Los Blancos’, me Luka Joviç dhe Paul Pogba që po ashtu po pëlqehen nga trajneri Zidane.
Kujtojmë se Real Madrid tashmë ka kompletuar transferimin e Eder Militao nga Porto.
Mediet e huaja kanë publikuar një formacion se si mund të duket Real Madrid në sezonin e ri, i vërtetë është i mbushur me yje.