Kapiteni i Tottenhamit, Harry Kane, do të jetë gati për finalen e Ligës së Kampionëve kundër Liverpoolit, sipas Evening Standard.
Raportohet se Kane është shëruar plotësisht nga lëndimi i pësuar në prill në ndeshjen e parë të çerekfinaleve të Ligës së Kampionëve, kundër Manchester Cityt.
Edhe pse në kampin e skuadrës së Londrës kishin frikë se deri në fund të sezonit do të mbeteshin pa lojtarin më të mirë, rehabilitimi i Kane kaloi më shpejt se sa parashikohej dhe është e sigurt se do të jetë në finalen më 1 qershor në Madrid.
Ai tashmë ka filluar të punojë ngadalë dhe nëse këtë javë nuk ka probleme të mëdha në stërvitje, 25-vjeçari do të udhëtojë në Spanjë.
