“Bomba” nga Spanja, skuadra e njohur kërkon yllin e Kosovës - Bota Sot
“Bomba” nga Spanja, skuadra e njohur kërkon yllin e Kosovës

Futboll

“Bomba” nga Spanja, skuadra e njohur kërkon yllin e Kosovës

Më: 22 maj 2019 Në ora: 14:28
Kosova

Sulmuesi Vedat Muriqi ka shkëlqyer në sezonin e fundit në Turqi. Sulmuesi i kombëtares së Kosovës tashmë ka hyrë në radarët e La Liga-s. Më konkretisht, të Real Betis, skuadrës që e mbylli kampionatin në vendin e 10-të, shkruan telesport. Është gazeta “AS”, që e bën me dije këtë informacion, në shkrimin si vijon:
“Betis është i vendosur për ta përmirësuar vetveten, ose të paktën ta provojë këtë në merkaton e verës. Dhe ka shumë emra në agjendën e bardhëjeshilëve. Pas është lidhur me Juanmi (Real Sociedad), Betis është vënë në kërkim të një sulmuesi, profili i të cilit mungon në grupin e trajnerit Quique Setién. Ai ka pikasur dikë në Turqi, emri i të cilit është zbardhur këtë të mërkurë. Bëhet fjalë për Vedat Muriqi, ndërkombëtarin e Kosovës, i cili ka shënuar 16 gola me Rizespor në sezonin 2018-2019.
Klubi nga “Avenida de Heliópolis” ka ofruar 4.5 milionë euro për sulmuesin 25-vjeçar, që synohet edhe nga Fenerbahçe. Lojtari është 1.94 metra i gjatë dhe ka luajtur 16 ndeshje me Kosovën, për të cilën ka shënuar 4 gola. Ai ka luajtur në kampionatin e vendit të tij, në Shqipëri dhe mbërriti në Turqi në vitin 2016, për të kaluar përmes Giresunspor, Genclerbirligi dhe tani Rizespor”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...