Tashmë nuk është ndonjë befasi, sepse lajmi dihej prej kohësh, por zyrtarizimi mungonte dhe ka ardhur sot: Interi ka pushuar nga puna trajnerin Luciano Spalletti, i cili kishte kontratë deri në 2021.
Klubi zikaltër ka dalë me një njoftim të turpshëm, me vetëm 2 rreshta dhe asnjë foto.
"FC Internazionale Milano komunikon se Luciano Spalletti nuk është më trajner i ekipit të parë.
"Klubi e falënderon trajnerin për punën e zhvilluar dhe rrugëtimin së bashku".
Tashmë pritet zyrtarizimi i Antonio Contes në stol, por sjellja e Interit me siguri do të ngjallë polemika, sepse sado probleme të ketë pasur me Spallettin, do duhej diçka më shumë se 2 fjali lamtumire.
