Liverpooli ka nisur festën me fansat pas triumfit në finale të Champions League.
Liverpooli u tregua shumë i fortë për rivalin e Premierligës, Tottenhamin, në finalen që u zhvillua në stadiumin “Wanda Metropolitano”, duke triumfuar 2:0.
Mohamed Salahu dhe Divock Origi e shënuan nga një gol për t’ia siguruar klubit të tyre trofeun e gjashtë në histori, pjesë e të cilës skuadër ishte edhe Xherdan Shaqiri.
Tashmë ka nisur festa në qytetin e Liverpoolit ku mijëra tifozë kanë dalë në rrugë për t’i përshëndetur heronjtë e tyre që kthyen në shtëpi trofeun pas 14 viteve.
