Donny van de Beek, njësoj si dy shokët e tij tek Ajax, Matthijs De Ligt e Frenkie de Jong, po lidhet me një kalim të mundshëm tek Barcelona.
Lojtari aktualisht është i ngarkuar me kombëtaren e Holandës, ku po garon në Ligën e Kombeve dhe me kombëtaren e tij ka prekur fazën finale.
Pas gjysmëfinales së luajtur kundër Anglisë, Van de Beek ka komentuar edhe zërat e fundit që e transferojnë atë në ‘Camp Nou’.
“Nuk është e vërtetë se ata kanë pyetur për mua, shumë gjëra dalin në gazeta, por unë nuk di asgjë. Kam kontratë dhe do të shoh çfarë ndodh, jam i lumtur tek Ajax” ka thënë fillimisht lojtari.
“Sigurisht, është mirë që emri im lidhet me Barcelonën, por unë duhet të luajë më shumë, të përmirësohem e të përmirësohem. Më vonë do të shoh se çfarë ndodh” ka thënë ndër të tjerash mesfushori.
Van de Beek gëzoi disa minuta në gjysmëfinalen kundër Anglisë, në fitoren 3:1 të kombëtares së Holandës.
