Mbappe flet për zërat që e lidhin me Real Madridin - Bota Sot
Mbappe flet për zërat që e lidhin me Real Madridin

Futboll

Mbappe flet për zërat që e lidhin me Real Madridin

Më: 12 qershor 2019 Në ora: 08:16
Kylian Mbappe

Kylian Mbappe nuk ishte në humor për të folur për lidhjet me Real Madridin pasi udhëhoqi Francën në fitoren ndaj Andorras, në kuadër të kualifikimeve për Euro 2020.

Mbappe ka qenë në qendër të vëmendjes për shkak të spekulimeve që e lidhin me gjigantët e La Ligës, dhe ka folur më herët për një lëvizje të mundshme në ‘Santiago Bernabeu’ dhe la të kuptohet se mund të ishte gati për një “projekt të ri”.

Megjithatë, sulmuesi nuk pati kohë të merrej me këto spekulime pasi në fitoren 4-0 mbrëmë shënoi golin e 100-të si profesionist.

“Tani nuk është koha për të folur për Real Madridin”, u tha Mbappe gazetarëve pas ndeshjes.

“Ju gjithmonë më pyetni të njëjtën gjë, por nuk është koha”.

Franca është në grupin e njëjtë me Shqipërinë dhe pas humbjes shokuese nga Turqia, dje u rikthyen te fitorja ndaj Andorrës.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...