Futbollisti Denis Suarez u prezantua te skuadra e Celta Vigos, tek të cilët u transferua nga Barcelona. Në intervistën e parë të dhënë për mediat, mesfushori u shfaq shumë i lumtur për aventurën e re.
“Unë jam shumë i lumtur që u riktheva në shtëpi. Njerëzit janë të lumtur për kthimin tim. Është një mundësi shumë e madhe, për të vazhduar të rritem si lojtar.
Unë isha duke kërkuar për një vend ku të ndihesha i vlefshëm. Tani e tutje qëllimi im është të ndihmoj Celta Vigon, të rritet për ta çuar në vendin ku e meriton, e cila është Evropa”, u shpreh 25-vjeçari.
Kujtojmë se lojtari luajti gjysmën e sezonit i huazuar tek Arsenali, ku nuk arriti të gjejë shumë hapësira.
