Presidenti Ademi vizitoi kampin e Lokomotivës në Gjakovë

Futboll

Presidenti Ademi vizitoi kampin e Lokomotivës në Gjakovë

Më: 17 korrik 2019 Në ora: 22:37
Presidenti Ademi dhe Ardian Kozniku

Presidenti Agim Ademi ka vizituar sot në Gjakovë kampin e futbollistëve, të cilin e ka organizuar klubi kroat, Lokomotiva.

Ky kamp ka zgjuar interesim të madh tek futbollistët e rinj jo vetëm nga Gjakova, por edhe nga qytetet e tjera të Kosovës, por ka mbledhur talente edhe nga Shqipëria dhe Maqedonia e Veriut.

Ky kamp po udhëhiqet nga ish-futbollisti i njohur Ardian Kozniku, Luka Cakarun dhe Gëzim Daka.

Me këtë rast presidenti Ademi falënderoi organizatorët e këtij kampi që po i japin rëndësi talenteve të futbollit në Kosovë që ta shfaqin talentin e tyre, duke shpresuar se nga ky kamp do të përzgjidhet ndonjë futbollist për të shkuar në klubin kroat.

Po ashtu presidenti Ademi theksoi rëndësinë që kanë kampet e tilla sidomos nga klube të tilla, nga të cilat kanë dalë shumë futbollistë me emër jo vetëm në Kroaci por edhe në Evropë.

Image
Image
Image
Image
commentFirst article
Sot mund të lexoni Shfletoni kopertinat