Lajmi i publikuar dje në mediat shqiptare se Gugash Magani do të jetë trajneri i Feronikelit, është hedhur poshtë nga dy palët.
Në një reagim të lëshuar skuadra e Besës së Kavajë, aktualisht ku trajner qëndron Magani kanë konfirmuar lajmin se tekniku i tyre ka kontratë edhe për një vit me klubin e tyre.
“Duke marrë shkas nga lajmet e ndryshme dhe të pavërteta të disa portaleve , FC Besa kërkon të informojë publikun shqip folës që Gugash Magani dhe stafi i tij kanë një kontratë bashkëpunimi dhe për sezonin në vazhdim.
Trajneri është pjesë i projektit të ri për të rikthyer klubin në elitën ku i takon”, thuhej në njoftimin e Besës.
Tutje edhe Feronikeli ka mohuar në faqen e tyre zyrtare kontaktin me Maganin.
