Dzeko zbulon pse vazhdoi me Romën, me gjithë interesimin nga Interi - Bota Sot
Dzeko zbulon pse vazhdoi me Romën, me gjithë interesimin nga Interi

Futboll

Dzeko zbulon pse vazhdoi me Romën, me gjithë interesimin nga Interi

Më: 22 gusht 2019 Në ora: 00:11
Edin Dzeko

Gjatë gjithë kohës ishte përfolur për një kalim të tij në Milano, nën urdhrat e Antonio Contes, por Edin Dzeko i befasoi të gjithë pak ditë më parë, duke vendosur të rinovojë kontratën me Romën.

Boshnjaku kishte kontratë të vlefshme deri verën e ardhshme me verdhekuqtë, por tani zgjati bashkëpunimin deri në verën e 2022-shit, ndërsa në marrëveshjen e re përmirësohen ndjeshëm edhe termat ekonomikë.

Në një intervistë për mediat italiane, Dzeko deklaroi se në Romë ndihet si në shtëpi dhe se kanë qenë pikërisht shokët e skuadrës, ata që e kanë bindur të firmosë rinovimin.

“Jam i lumtur që shumë njerëz janë të kënaqur që firmosa për të qëndruar këtu, me shokët e mi të skuadrës. Nuk janë thjesht shokë skuadre në fakt, por miq të vërtetë, vëllezër të mitë. Më kanë vënë gjithë kohës nën presion, duke më thënë se nuk do shkoja askund. Me Pellegrinin dhe Florenzin kam një marrëdhënie të përsosur. Ky i fundit më tha se nëse do të rinovoja, do të më jepte shiritin e kapitenit dhe e mbajti fjalën pas firmës, por ia bëra të qartë që është kapiteni ynë”, tregoi Dzeko.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...