PSG i kthehet fitoreve me një goleadë kundër Toulouse

Futboll

PSG i kthehet fitoreve me një goleadë kundër Toulouse

Më: 25 gusht 2019 Në ora: 23:31
Pamje nga ndeshja

PSG e ka deklasuar sonte me një katër golësh skuadrën e Toulouse. Kampioni francez kështu i rikthehet fitoreve pas humbjes befasuese javën e kaluar. Në këtë ndeshje shkëlqeu Choupe Moting, që shënoi dy gola. Rezultati përfundimtar ishte 4-0

Kampionët në fuqi të Francës i janë kthyer fitoreve pas humbjes nga Rennes javën e kaluar.

Djemtë e Thomas Tuchel dolën në këtë ndeshje përsëri pa asin e tyre kryesor Neymar, derisa Kylian Mbappe bëri paraqitjen e tij të 100-të në Ligue 1.

Pjesa e parë e këtij takimi ishte e qetë dhe pa gola.

Katër golat u shënuan në pjesën e dytë të takimit.

Goli i parë ishte Choupo Moting në minutën e 50-të, i cili kaloi pothuajse tërë mbrojtjen e Toulouse për të shënuar golin e parë.

Pesë minuta më vonë do të vinte një gol qesharake i Goncalves.

PSG-së ju deshën edhe 20 minuta të tjerë për të ardhur te goli i tretë.

Kësaj radhe ishte Juan Bernat asistoi për Choupo Moting për të shënuar golin e tretë në minutën e 75-të.

Krejt në fund Marquinhos lë gjurmë në këtë ndeshje pas një asistimi të Di Marias. Goli i katërt shënohet në minutën e 83-të.

Kjo është fitorja e dytë e PSG në Ligue 1, të cilën ata e arrisin në xhiron e tretë.

Në javën e katër PSG i shkon Metzit më 30 shtator derisa francezët gjenden në pozitën e tretë në kampionat me gjashtë pikë tri më pak se Rennes që prin me 9 pikë.

commentFirst article
Sot mund të lexoni Shfletoni kopertinat