Lorenzo Insigne është larguar nga grumbullimi me kombëtaren e Italisë, për shkak të një lëndimi, shkruan Insporti. Sulmuesi napolitan nuk ka arritur të rikuperohet nga lëndimi që pësoi në ndeshjen e fundit kampionale ndaj Juventusit.
Në ueb-sajtin e Federatës së Futbollit të Italisë konfirmohet se 28-vjeçari është larguar nga kampi i “Azzurrëve” dhe është rikthyer në shtëpi.
Tashmë, ai është zëvendësuar në skuadrën e Roberto Mancinit nga anësori i Freiburg Vincenzo Grifo.
Italia përballet me Armeninë dhe Finlandën në dy ndeshjet e radhës eliminatore të Kampionatit Evropian “Euro 2020”.
