Platini: Do të rikthehem, disa idiotë më pezulluan pas një komploti - Bota Sot
Platini: Do të rikthehem, disa idiotë më pezulluan pas një komploti

Futboll

Platini: Do të rikthehem, disa idiotë më pezulluan pas një komploti

Më: 8 shtator 2019 Në ora: 07:20
Michel Platini

Michel Platini, ish-presidenti i UEFA-s, në një intervistë për televizionin zviceran RTS, ka deklaruar se së shpejti do të rikthehet në botën e futbollit. “Nuk e di se ku, nuk e di se si, por do të rikthehem”, tha Platini.

“Nuk do të vazhdoj të qëndroj i pezulluar edhe pse bëhet fjalë për një pezullim të dhënë nga disa idiotë”, tha më tej Platini. Ai është pezulluar 4 vjet nga sporti, pas një hetimi që e nxori fajtor për ryshfet.

Platini i akuzua se ka marrë një pagesë me vlerën e 2 milionë frangave zvicerane, parà që i kishte marrë nga ish-presidenti i FIFA-s, Sepp Blatter. “Isha viktimë i një komploti. Ai u organizua nga njerëz brenda në FIFA dhe në Ministrinë Publike të Konfederacionit. Mes palëve ishte një marrëveshje zotërinjsh për të më përjashtuar. Megjithatë, nuk them se ishte një komplot i shtetit zviceran”, tha Platini.

Duke folur për presidentin aktual të FIFA-s, Gianni Infantino, ai tha: “Më shumë gjasa nuk ka shumë dëshirë që unë të rikthehem më në sport”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...