Prishtina vazhdon me rezultate të mira, regjistron fitoren e tretë rresht në elitën e futbollit dhe për dy pikë i afrohet Feronikelit dhe Gjilanit, të cilat ndajnë vendin e parë e të dytë me nga 12 pikë, me goldallim të njëjtë 10:6.
Prishtina e mposhti me rezultat 2:0 Dukagjinin e Klinës, në ndeshjen e mbetur të javës së dytë të Superligës së Kosovës.
Dukagjini po thyen rekord të zi në elitë, plotë 6 ndeshje apo 540 minuta nuk po shënojnë gol, ka goldallimin negativ 0:11.
Prishtina bëri lojë të mirë dhe arriti tri pikë të mëdha, duke i shtuar gjasat për kreun e tabelës. Kryetrajneri i ri, Armend Dallku, është i kënaqur me fitoren e skuadrës së tij.
Në minutën e 7-të, Meriton Korenica kaloi në epërsi bardhekaltrit. Në pjesën e dytë përkatësisht në minutën e 51-t, Leonit Abazi thellon fitoren me rezultat 2:0. Prishtina renditet në vend të gjashtë me 10 pikë, ndërsa Dukagjini është në fund të renditjes me 1 pikë. Në sfidën e radhës, Dukagjini është mysafir i Llapit dhe Prishtina i Vushtrrisë.