Shumë akuza kanë ardhur në drejtim të FIFA-s, fill pas shpalljes së Lionel Messit si “The Best” për sezonin 2018-19, pasi disa vota në drejtim të sulmuesit të Barcelonës janë llogaritur pa u votuar realisht.
Fillimisht ishte federata e Egjiptit që kërkoi llogari në FIFA, sepse ishin zhdukur vota e trajnerit dhe kapitenit të zgjedhur nga ana e tyre, si dhe trajneri i Sudanit, Zdravko Logarusic Ndërsa më pas ishte kapiteni i Nikaraguas, Juan Barrera, i cili tha se këtë vit nuk kishte votuar fare për këtë çmim, pasi FIFA nuk i kishte dërgua e-mail.
Reagimi ka ardhur sot nga federata e Nikaraguas, që nëpërmjet një njoftimi për shtyp bëri me dije se Juan Barrera nuk ka votuar me të vërtetë, pasi trajneri i përfaqësuese së tyre vendosi që të votonte zëvendës kapiteni, Manuel Rosas, i cili të parin zgjodhi Messin, të dytin Ronaldon dhe në vend të tretë renditi Sadio Mane.
Gjithsesi enigmë mbetet se çfarë ndodhi me votën e Mohamed Salah, trajnerit të tij dhe trajnerit të Sudanit.
