Kapiteni i Real Madridit, Sergio Ramos shpëtoi shumë lehtë sipas trajnerit të Atletico Madridit, Diego Simeone.
Ramos për fat të tij derbin e qytetit të Madridit e përfundoi pa u ndëshkuar fare nga gjyqtarët, por sipas Simeone ai është dashur të përjashtohej me karton të kuq.
Atletico Madridi dhe Real Madridi barazuan mbrëmë pa gola në “Ëanda Metropolitano”.
Ndërkohë, e përditshmja spanjolle “AS” shkruan se Simeone mendon që Ramos duhej të ishte përjashtuar nga loja për shkak të fyerjeve që i kishte bërë ndaj gjyqtarit anësor.
Raportohet se Ramos e ka quajtur gjyqtarin “La puta que te pario”, që përkthehet si bir k*rve.
Simeone u pyet për këtë incident pas ndeshjes dhe tha: “Çfarë ndodhë në fushë, mbetet në fushë. Gjyqtari anësor e di se çfarë tha Ramosi”.
Ajo që pa asnjë dyshim do të acarojë zyrtarët e klubit është fakti se në edicionin e kaluar Diego Costa kishte marrë një karton të kuq dhe ishte suspenduar për tetë ndeshje për një incident të ngjashëm.