Skuadra e Dritës nga Gjilani në cilësinë e mysafirit e mposhti me rezultat 1:0 Gjilanin, në derbin më të madh në Kosovë. Përballja mes skuadrave të një qytetit, rival të përbetuar, që sa herë ndeshen mes vete qyteti ndahet në dysh: bardhë e kuqtë (Gjilani) dhe bardhë e kaltrit (Drita), kësaj radhe më i mirë doli Drita.
Në një atmosferë të bukur sportive, rreth 5 mijë shikues, Drita fitoi falë golit të Ardian Cuculit që realizoi me kokë në minutën e 30-të pas harkimit të shkëlqyeshëm të Xhevdet Shabanit.
Trajneri Ardian Nuhiu i Dritës doli më i suksesshëm se ai i Gjilanit, Gentian Mezani. Drita renditet në pozitën e dytë me 14 pikë, ka një me pak se Feronikeli dhe Gjilani është i gjashti me 12 sosh.
Prishtina me kryetrajner të ri Armend Dallku realizojnë fitoren e tretë rresht, këtë herë e shkatërruan Vushtrrinë vendas me 3:0. Në fakt, është fitorja e katërt rresht nëse e llogarisim edhe fitoren sa ishte në krye të Prishtinës Bylbyl Sokoli. Golat në pjesën e parë u realizuan nga Alban Shillova që në minutën e 2-të dhe nga Nertil Hoxhaj (41′) dhe në periudhën e dytë Armend Thaqi nga penalltia në minutën e 56-të. Prishtina është në vend të pestë me 13 pikë, dy me pak se lideri Feronikeli, kurse Vushtrria është në pozitën e parafundit (i 11-ti) me 5 pikë.
Superliga e Kosovës
Vushtrria-Prishtina 0:3
Drenica-Ballkani 0:1
Llapi-Dukagjini 2:1
Gjilani-Drita 0:1
Feronikeli-Ferizaj 5:0
Trepça ’89-Flamurtari 5:1
Tabela
1. Feronikeli 7 5 0 2 15
2. Drita 7 4 2 1 14
3. Llapi 7 4 2 1 14
4. Ballkani 7 4 2 1 14
5. Prishtina 7 4 1 2 13
6. Gjilani 7 4 0 3 12
7. Trepça ’89 7 2 3 2 9
8. Drenica 7 2 2 3 8
9. Flamurtari 7 2 1 4 7
10. Ferizaj 7 2 0 5 6
11. Vushtrria 7 1 2 4 5
12. Dukagjini 7 0 1 6 1