Derbi i javës së 7-të të IPKO Superligës së Kosovës në futboll, mes Feronikelit nga Drenasi dhe Llapit nga Podujeva, përfundoi me fitoren e llapjanëve me rezultat 1:2.
Kampioni në fuqi mposhtet në çastet e fundit nga Llapi i kryetrajnerit Tahir Batatinës.
Në periudhën e parë të lojës, llapjanët kaluan në epërsi me golin e Mentor Zhdrellës.
Në minutën e 82-të, Mevlan Zeka barazon shifrat 1:1.
Në minutën e 90+2 Mërgim Pefqeli shënon për fitoren e madhe të Llapit. Feronikeli bie në vend të tretë me 15 pikë, ndërsa Llapi është lider i ri me 17 pikë, sa ka edhe Ballkani në pozitën e dytë.
