Skuadra e Flamurtarit të Prishtinës është në krizë të rëndë të rezultateve, duke pësuar humbjen e katërt rresht në IPKO Superligën e Kosovës.
Ata si vendas pësuan humbje të rëndë nga Gjilani, me rezultat 4:1. Futbollisti nga Shqipëria, Gerhard Progni bëri lojë jashtëzakonisht të mirë, duke shënuar dy gola. Në minutën e 20-të, Progni nga rreth 15 metra shënon gol të bukur në këndin e majtë të portës së Flamurtarit. Pas dhjetë minutave (30’), i njëjti futbollist nga afërsia realizon për 0:2.
Në minutën e 54-të, Bedri Greca nga rreth 17 metra shënon supergol në këndin e majtë dhe për epërsinë 0:3. Flamurtari e ngushton epërsinë në 1:3 me golin e realizuar nga Festim Krasniqi i cili realizoi me një goditje nga 17-18 metra pikërisht në minutën e 75-të. Fiton Hajdari në minutën e 88-të thellon fitoren e Gjilanit me 1:4.
Gjilani është në vend të 5-të me 15 pikë, ndërsa Flamurtari i nënti me 7 sosh.
IPKO Superliga e Kosovës
Feronikeli-Llapi 1:2
Ferizaj-Ballkani 1:2
Dukagjini-Trepça '89 1:0
Drita-Vushtrria 5:1
Flamurtari-Gjilani 1:4
Prishtina-Drenica me 16 tetor
Tabela
1. Drita 8 5 2 1 17
2. Llapi 8 5 2 1 17
3. Ballkani 8 5 2 1 17
4. Feronikeli 8 5 0 3 15
5. Gjilani 8 5 0 3 15
6. Prishtina 7 4 1 2 13
7. Trepça ’89 8 2 3 3 9
8. Drenica 7 2 2 3 8
9. Flamurtari 8 2 1 5 7
10. Ferizaj 8 2 0 6 6
11. Vushtrria 8 1 2 5 5
12. Dukagjini 8 1 1 6 4
Në javën e nëntë takohen: Llapi-Ferizaj, Trepça '89-Feronikeli, Vushtrria-Flamurtari, Ballkani-Prishtina, Drenica-Drita dhe Gjilani-Dukagjini.
