Messi i kërcënon fronin historik Pele, gjuetia për "mbretin" ka filluar… - Bota Sot
Messi i kërcënon fronin historik Pele, gjuetia për "mbretin" ka filluar…

Futboll

Messi i kërcënon fronin historik Pele, gjuetia për "mbretin" ka filluar…

Më: 9 tetor 2019 Në ora: 19:40
Pele, Messi

Vetëm një mit mund të kapërcejë një mit tjetër. Dhe Leo Messi është në rrugën e duhur për të thyer një nga rekordet, që ka mbetur prej vitesh të tëra i pandryshuar në botën e futbollit. Ky rekord shihet tashmë si krejtësisht i arritshëm nga ylli i Barcelonës, Lionel Messit. Ne iu referohemi 643 golave, që Edson Arantes do Nascimiento, i njohur më mirë si "O Rei", ose Pelé, i cili luajti me Santos për 18 vite (1956-1974). Askush në historinë e futbollit nuk e kishte shënjestruar këtë arritj te Pele deri në daljen e Leo Messi në skenën e këtij sporti. I vetmi që e kishte shqetësuar fronin e Pelé ishte gjermani "Torpedo" Müller, i cili gjatë 15 viteve (1964-1979) luajti për Bayern Munich dhe shënoi 565 gola.

Pelé ka më shumë se 40 vite, që i sheh nga “Olimpi” sulmuesit më të mirë në histori, se si rrëzohen njëri pas tjetrit para rekordit të tij. Por, 15 vite më parë, një futbollist argjentinas u shfaq në skenë, me emrin Leo Messi. Ai e pushtoi gradualisht peisazhin e futbollit, për t’u bërë, për shumë njerëz, lojtari më i mirë në historinë e këtij sporti. Messi është sulmuesi, që i është afruar më shumë numrit të golave të shënuar nga Pelé. Tani për tani, kapiteni i Barçës ka realizuar 604 gola, pas “rrjetës” së të dielës, kundër Sevilla. Kjo do të thotë se atij i mungojnë 39 gola për të arritur rekordin e Pele, ose 40 gola për ta kapërcyer atë. 

Për çdo futbollist tjetër, ky hendek do të dukej i konsiderueshëm, por jemi përballë një ylli, që prej dhjetë sezonesh radhazi e tejkalon shifrën e 40 golave. Nëse konfirmohen këto statistika, Messi do të arrijë ta tejkalojë rekordin e Pele këtë sezon. Për të arritur këtu, Leo ka shënuar gjithsej 420 gola në La Liga, 112 gola në Ligën e Kampionëve, 51 gola në Kupën e Mbretit, 13 gola në Superkupën Spanjolle, 5 gola në Botërorin e Klubeve dhe 3 gola në Superkupën Europiane. Për t’i shënuar këto 604 gola, atij i janë dashur gjithsej 691 ndeshje. Argjentinasi ka shënuar mesatarisht një gol në çdo 1.14 ndeshje. Nëse i shtojmë golat e tij me kombëtaren Albiceleste, gjithsej 68 të tillë, atëherë shifra totale shkon në 672 gola.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...