Klubi i Juventusit ka marrë vendimin rreth veprimeve që bëri mbrëmë Cristiano Ronaldo.
34-vjeçari u zëvendësua nga Paulo Dybala në minutën e 55′ gjatë ndeshjes së Juve në Serinë A me AC Milan dhe menjëherë shkoi drejt tunelit pasi doli nga fusha.
Raportet në Itali sugjerojnë gjithashtu që Ronaldo u largua nga stadiumi tre minuta para përfundimit të ndeshjes – të cilën Dybala e vulosi përfundimisht me një gol të minutës së 77′.
Sipas gazetarit të njohur italian Romeo Agresti, Juventus nuk do ta gjobisë Cristiano Ronaldon për reagimin e tij pas zëvendësimit ndaj AC Milan.
Kjo lë të kuptohet se gjiganti italian nuk dëshiron ta humbasë një yll të madh si portugezi, që përveç fushës, i sjell përfitime të majme edhe jashtë saj.
