Duket se e ardhmja e Cengiz Under është larg Romës. 22 vjeçari po monitorohet nga disa klube evropiane, mes të cilave Manchester United.
Mirëpo së fundmi për talentin turk kanë shfaqur interes dhe dy klube të tjera nga Premier League. Bëhet fjalë për Arsenal dhe Tottenham të cilat kërkojnë të përfitojnë shërbimet e tij.
Ndërkohë që anglezet duhet të ruhen nga Bayern Munchen, që po ashtu dëshirojnë transferimin e turkut.
Cengiz Under u transferua te Roma në verën e vitit 2017 nga Basaksehir për 14 milionë euro ndërkohë që kontrata e tij me verdhekuqtë përfundon në qershor të vitit 2023.
