Lionel Messi ka fituar Topin e Artë 2019-të. Një vlerësim i merituar për sulmuesin argjentinas, i cili ka luftuar deri në fund me Virgil van Dijk dhe Cristiano Ronaldo, të cilët kanë dalë respektivisht në vendin e dytë dhe të tretë. Pak jashtë podiumit ka përfunduar Sadio Mane.
Sulmuesi i Liverpool-it, i cili nuk ka qenë i pranishëm në ceremoninë e zhvilluar në Paris mbrëmjen e së hënës, i ka bërë komplimentet fituesit dhe ka dhënë një mesazh për vitin e ardhshëm.
"Përshëndetje të gjithëve, jam Sadio Mane", ka thënë ylli i Liverpool në një video të transmetuar gjatë ceremonisë. "Do të më pëlqente të isha me ju, por nuk e kam të mundur për shkak të kalendarit dhe impenjimeve me klubin".
"I bëj urimet e mia fituesit dhe shihemi vitin tjetër. Do të provoj të jem përsëri aty dhe të fitoj Topin e Artë", ka përfunduar senegalezi.