Skuadra e Barcelonës është e vendosur që ta rikthejë Thiago Alcantaran në ‘Camp Nou’.
Sipas raportimeve të ‘Mundo Deportivo’, Barca do të tentojë me të gjitha forcat ta kthejë Thiagon nga Bayern Munich.
Gjigantët e Katalonisë po presin që të mësojnë çmimin që duhet të paguajnë për shërbimet e mesfushorit spanjoll.
Alcantara është lidhur edhe më parë me një rikthim të mundshëm tek Barca, por një gjë e tillë nuk kishte ndodhur.
Mbetet të shihet nëse kampionët e La Liga do të arrijnë kësaj here të bindin lojtari për një rikthim në ‘Camp Nou’.
