Arsenali është në formën e tyre më të dobët në shtëpi në 60 vjet pasi pësoi humbje 2-1 ndaj Chelseat të dielën.
Topçinjtë kishin pësuar humbje në shtëpi ndaj Eintracht Frankfurt, Brighton dhe Manchester City.
Edhe pse Pierre-Emerick Aubameyang i dha skuadrës së Mikel Arteta epërsinë në gjysmën e parë në Emirates, Blutë nuk u dorëzuan dhe arritën të përmbysin gjithçka në fund.
Është hera e parë që Arsenali ka humbur katër ndeshje me radhë në shtëpi në të gjitha garat që nga viti 1959.
Në sezonin 59/60, nga 14 nëntori deri më 26 dhjetor, londinezët humbën katër ndeshje radhazi në stadiumin e tyre, kundër West Ham, West Brom, Burnley dhe Luton Town – teksa u eliminuan në FA Cup nga Rotherham, pikërisht në shtëpi.
