Futbollisti i kombëtares së Kosovës, Bersant Celina, me Swansean arkëtuan tri pikë domethënëse, duke e mposhtur me 2:1 Wigan-in. Celina luajti titullar dhe asistoi për fitoren e skuadrës së tij, kur shënon Ajew në minutën e 67-të.
Për Swansean shënuan Brewster (19’), Ajew (67’) dhe për Wigan-in Byrne (16’). Pas 28 javëve në Championship (liga e dytë angleze) Swansea është në vend të pestë me 45 pikë dhe Wigan i 23-ti me 23 sosh.
Sheffield Wed si vendas përjetoi debakël me 5:0 nga Blackburn. Nga minuta e 23-të vendasit mbeten pa një lojtar kur Luongou u përjashtua nga loja me karton të kuq, ku ishte një epërsi numerike për Blackburn.
As sulmuesi i kombëtares së Kosovës, Atdhe Nuhiu, që u fut në lojë në minutën e 37-të, nuk kishte fuqi të bënte asgjë kundër Blackburnit. Sheffield Wed është vend të dhjetë me 42 pikë dhe një pozitë me poshtë Blackburn me 40.
