Real Madrid nuk e ka pasur aspak të lehtë udhëtimin te Unionistas, klub ky që menaxhohet nga tifozët.
Los Blancos fituan me shifrat 1:3 për t’u kualifikuar në fazën 1/8 të Kupës së Mbretit.
Gareth Bale zhbllokoi rezultatin, para se Romero Morillo të befasonte të gjithë duke barazuar 1:1.
Gjithsesi, Gongora realizoi një autogol qesharak për t’i dhënë epërsinë sërish mysafirëve.
Pas ndeshjes është deklaruar trajneri i Real Madrid, Zinedine Zidane, i cili e ka cilësuar ndeshjen e sotme si shumë të vështirë.
“Ne kishim një natë të komplikuar. Ishte normale, fusha nuk ishte e përshtatshme për lojën që e bëjmë ne, mirëpo rëndësi ka fitorja dhe kualifikimi për raundin tjetër”, deklaroi Zidane.