Levante ka bërë befasinë më të këndshme në këtë fundjavë.
Skuadra e Levante ka arritur të mposht Real Madridin me rezultatin minimal 1:0.
Në një ndeshje ku favoritët në letër ishin mysafirët, fusha e blertë tregoi diçka krejtësisht tjetër.
Levante arriti të merrte tri pikët falë golit të shënuar nga Luis Morales, në minutën e 79’ të ndeshjes.
Ky gol vulosi fatin e takimit duke bërë që Levante të fitojë tri pikët dhe të ngritët në kuotën e 32 pikëve për pozitën e 10-të.
Real Madrid në anën tjetër mbetet me 53 pikë, duke bërë kështu që të zbres në pozitën e dytë, duke i dhënë kryesimin skuadrës së Barcelonës që tash numëron 55 pikë.
