Aymeric Laporte duket se është në mesin e lojtarëve që nuk e mendon largimin nga ‘Etihad’.
Manchester City është dënuar nga UEFA me dy vitje mos paraqitje në Ligën e Kampionëve. Skuadra ka ngritur rastin në CAS, por përkundër kësaj, disa lojtarë të skuadrës janë lidhur me një largim të mundshëm.
Në mesin e lojtarëve që flitet për të është edhe Laporte, por ky i fundit duket se është i lumtur në ‘Etihad Stadium’.
“Ne po presim për vendimin final. Ne do të shohim çfarë ndodh sezonin tjetër” ka thënë Laporte.
“Jam shumë i lumtur te Mancheser City. Po e shijoj futbollin këtu. Po bëjmë gjëra të mira. Kemi fituar tetë trofe në dy vite” ka shtuar francezi.
Mbetet të shihet se cili do të jetë vendimi i UEFA, dhe nëse do të ndikojë në të ardhmen e Aymeric Laporte.