Coutinho mund të rikthehet në Premierligë.
Ylli brazilian i futbollit, Philippe Coutinho, shumë lehtë mund të rikthehet në kampionatin anglez të futbollit.
Anëtari i Barcelonës që aktualisht luan me Bayern Munich, Coutinho, ka tërhequr vëmendjen e katër skuadrave nga Premierliga.
‘Mirror’ shkruan se Chelsea, Manchester United, Arsenal e Tottenham Hotspur janë në garë për shërbimet e brazilianit.
Coutinho aktualisht është i huazuar te Bayern, por klubi gjerman me gjasë nuk do të shfrytëzojë të drejtën e blerjes së plotë të lojtarit, në fund të sezonit.
E ardhmja e Coutinho me Barcelonën është e paqartë, duke bërë që spekulimet për një rikthim në Premierligë të marrin jetë. Mbetet të shihet se çfarë ndodh me lojtarin në fund të sezonit.
