Ditën e djeshme mbrojtësit i Real Madrid, Sergio Ramos, festoi 34-vjetorin e lindjes. Të shumta ishin urimet për kapitenin e madrilenëve, por pati dhe nga ata që e vunë në lojë spanjollin.
Bëhet fjalë për klubin e Ajaxit, që i ka kujtuar Ramosit humbjen e Realit në Champions League vitin e kaluar.
Ishin holandezët ata që kalonin në fazën tjetër duke eliminuar kampionët, ndërkohë që Ramos e ndiqte ndeshjen nga tribuna.
Ende më ironike ishte përgjigja e mbrojtësit të kombëtares spanjolle.
Ai postoi katër foto të tij me trofeun e Champions League, po aq sa ka Ajaxi në të gjithë historinë e tij.
