Sevilla është duke përgatitur super ofertë për futbollistin e Liverpoolit, Xherdan Shaqiri.
Sipas Blick, klubi spanjoll do t’i ofrojë shqiptarit kontratë afatgjate.
28-vjeçari këtë sezon me “Reds” nuk ka qenë shumë i nevojshëm duke bërë vetëm gjashtë paraqitje, ndërsa në dy prej tyre ishte titullar.
Në dhjetor në fitoret ndaj Watford dhe Everton ishin ndeshjet e vetme që Shaqiri ishte në formacionin e parë të Jurgen Klopp për këtë sezon.
Sevilla thuhet se është admirues i madh i ish-anëtarit të Bayern Munich dhe Inter, andaj e duan në verë dhe janë të gatshëm të paguajnë vlerën e 30 milionë euro që kërkon Liverpool.
Në garë për Shaqirin mbesin edhe dy gjigantët Galatasaray dhe Roma.