Luka Modric ka qenë prej kohësh një ëndërr për mesfushën e shumë skuadrave të rëndësishme evropiane dhe vazhdon të jetë për ekipe që kanë nevojë për eksperiencë në mesfushë si Milani dhe Interi, të cilët kanë shprehur interes për shërbimet e kroatit pavarësisht moshës së tij.
“AS” vjen me një deklaratë të fortë ditën e sotme, teksa thotë se ish-shefi i Zyrës së Futbollit të Milanit, Zvonimir Boban ishte shumë afër mbylljes së marrëveshjes për të sjellë në “San Siro” bashkëkombësin e tij.
Mirëpo, shkarkimi i Bobanit, pas debateve në shtëpinë kuqezi midis tij dhe CEO-s Ivan Gazidhis, i ka dhënë fund edhe marrëveshjes për Modric.
Teksa insiston se marrëveshja ishte pothuajse e mbyllur, “AS” raporton gjithashtu se tashmë 34 vjeçari mund të përfundojë te skuadra e David Beckam në kampionatin amerikan.
